Oumagrootjie
Hierdie foto's is vir my baie kosbaar en emosioneel terselfdetyd. My ouma Francina, my kinders se oumagrootjie (Ouou soos my seuntjie haar noem), het by ons op die plaas kom kuier 'n paar dae na my ma se begrafnis. Dit was kosbare oomblikke van gedeelde herinneringe, trane, lag -'n warboel van emosies. Ouou het saam met ons klippies op die pan opgetel, vir my tweejarige lessies van die lewe geleer, sy broojie in "huisies" gesny, kinders help bad, doeke geruil. Sy was daaaaar vir my. Dankie Ouma.
